بحـث
المواضيع الأخيرة
أفضل 10 أعضاء في هذا المنتدى
| mrmr |
| |||
| maryooma |
| |||
| MESHMESH |
| |||
| Admin |
| |||
| neno |
| |||
| MeGoZ |
| |||
| shin min ah |
| |||
| اميره باحلامى |
| |||
| فتاه الاحلام |
| |||
| Tota |
|
احصائيات
هذا المنتدى يتوفر على 28 عُضو.آخر عُضو مُسجل هو medo elsa7er فمرحباً به.
أعضاؤنا قدموا 861 مساهمة في هذا المنتدى في 106 موضوع
الحوار الصريج بين مستكة والدكتورة نفوسة النفساوية ( فضفضة عن الحب بمناسبة عيد الحب)
4 مشترك
memo :: كلام فى الحب
صفحة 1 من اصل 1
الحوار الصريج بين مستكة والدكتورة نفوسة النفساوية ( فضفضة عن الحب بمناسبة عيد الحب)
من طرف MESHMESH الأربعاء أبريل 15, 2009 1:35 pm
صباح المكاشفات اللى هى
بصراحة ومن غير خجل مع الدكتورة
(( نفوسة النفساوية))
أستاذة علم النفس بجامعة نداغ اللبان فرع شكلس
كلاكيت أول مرة
مشهد داخلى
(( مستكة ممدة على الشيزلونج - نفوسة قاعدة قدامها وبتعدل فى نضارتها كعب الكوباية ومشغله الكاسيت علشان تسجل مع موسيقى كلاسيك))
نفوسة النفساوية : مسكتة .. فضفضى ورطرطى الكلام اللى عندك من غير حبشتكنات ؟!
مسكتة : بدأت العلاقة اللي بينّا تاخد شكل تاني.. أخدت رقم التليفون منه وبقيت باتصل بيه بصفة دايمة. كان بيبقى مشغول في أحيان كتير في الكلية، وبالتالي كنت باتصل أنا.. يعني ماكنتش باعمل فرق..
نفوسة النفساوية : وبعدين يا دلعدي ؟!
مستكة : دلوقت بقالنا 5 شهور.. بس فيه مشكلة.. ساعات كتير باحس إنه زهقان مني، وبيبعد عني باستمرار.. بيتحجج بأي حاجة عشان ينهي ميعادنا بدري ومش بيحب يقضي وقته معايا زي الأول.. باتقتل بجد لما باحس إنه مش متحمس لي.. أو مش بيحبني قد ما أنا باحبه.. مش عارفة إيه اللي حصل!
نفوسة النفساوية : يا رتى ايه سبب البرود فى علاقتكم دى ؟!!
مستكة : يا دكتور امال انا جيالك ليه !
نفوسة النفساوية : لازم يكون فيه مشاركة وتفاعل .. طب شوفى يا مستكتى لما بتتصلي كتير كده أو بتحاولي التواجد في حياته أكتر من اللازم، بيحس إنك مستعجلة على الارتباط، والارتباط في حد ذاته مش موضوع سهل.. لأنه حاجة بتستمر العمر كله بإذن الله فبيخاف إنه يتقدم. بيحس إنك حاسة إنك "لازم" ترتبطي بيه.. للأبد.. للأبد.. للأبــــد (وده شيء مخيف زي ما إنت واخدة بالك!).
مستكة : تصدقي لقيت نفسي إذ فجأة كده باقول له تعالَ نشرب حاجة في الكافتيريا؟؟
نفوسة النفساوية : والمشاريب على مين .. احم احم .. قصدى وبعدين ؟؟
مستكة : أصل إنت عارفة هو خجول قد إيه.. لما شفته بيبتسم لي من بعيد، قلت لنفسي أكيد عاوز يصارحني باللي في قلبه..
نفوسة النفساوية : اممممممممممممممم الكلام ده يا مستكة مش بيأكل عيش ده اساسا لو عرفتى تجبيه وربنا نتعك بالسلامة وعرفتى توصلى لشباك الفرن .. الحقيقة يا عزيزتي إن معظم الرجالة –وده مش كلامي ده كلام علم النفس- مش بيكونوا خجولين قوي زي ما إنت فاكرة، وإن الراجل لو فعلا فعلا مهتم بيكِ وعاوز يرتبط بيكِ هيستجمع كل الشجاعة اللي عنده وهيفاتحك في الموضوع.
مستكة : عارفة إن الانتظار للـ"نص التاني" صعب، خصوصا في الظروف الاقتصادية الجميلة اللي احنا عايشين فيها ومنحنى الأخلاق اللي في نزول مستمر..
نفوسة النفساوية : وقتك خلص ... دخل اللى بعده يااااااااااااااااااااااااااا فرج
كلاكيت 2مرة
(( مشد داخلي – نهار – مستكة ممدة على الشيزلونج – نفوسة قاعدة قدامها وحاطة رجل على رجل وبتسمع))
نفوسة النفساوية : إن شاااااا الله تكوني ارتاحتى يا مستكة من جلسة المرة اللى فاتت
مستكة : إرتحت ايه بس يا دكتورة انتى برجلتينى خالص
نفوسة النفساوية : وهو المطلوب
مستكة : هو أنا ناقصة برجله
نفوسة النفساوية : مهو لما حتتبرجلى حتفكرى ولما حتفكرى حتوصلى للقرار السليم .. عموما نرجع ما رجعونا .. قولتيلى مشكلتك ايه بالضبط مع جوزك !
مستكة : جوزى .. يالهوووووووى .. جوزى مين يا دكتورة !!
نفوسة النفساوية : قصدى اللى بتحبيه ده .. يقطع الحب وسنينه
مستكة : أنا فكرت بكلامك بتاع المرة اللى فاتت بسسسسسسس
نفوسة النفساوية : بس إيه ؟
مستكة : هو لما كان فى بداية علاقتنا بيبصلى انا كنت ببصله .. دلوقت لما ببصله بيعمل انه بيقرأ فى جرنال المصري اليوم ومش مدينى اهتمام .
نفوسة النفساوية : اممممممممم معلش اصل البلد حالها مش تمام اضرابات على غلاءات على بلاوى سودة تلاقيه بيتابع .. اه اكيد بيتابع.
مستكة : لالا يا دكتورة ..اهىء اهىء اهىء .. ده مبأش يحبنى .. بيتهرب مني ..هو انا كنت غلطانة لما تجاوبت معاه لما كان بيبصلى ؟
نفوسة النفساوية : اممممممم .. بيتهيئلى كده يا مستكتى ..اصل التصرف السليم إن البنت تريح نفسها. ولا تحمل نفسها هم إنها تتابعه بعينيها، ولا إنها أول ما تحس إنه بيبص لها تبادله النظرات واللهفة. والسبب إن تلك الطريقة تجعله يفقد اهتمامه بكِ
مستكة : لا أزاى يا دكتورة ..ده فى اول علاقتنا كنا بنبص لبعض كتييييييييروكان مهتم.. لغاية ما اقعدنا نتكلم مع بعض وكان جنتل مان معايا على الأخر ..حسيت انى عاوزه اتكلم معاه فى كل حاجه ..بأيت بتكلم وهو بيسمع .. لغاية ما ريقى نشف
نفوسة النفساوية: ودى غلطة تانية
مستكة : ازاى
نفوسة النفساوية : المفروض إن البنت في أول لقاء أو كلام بينهم تكون هادئة جداً ولو بتموت فيه.. وكما إنها هتمسك لسانها لازم أيضاً تمسك عينيها.. يعني بلاش أو -بصراحة أكثر- عيب إنها تسهّم فيه وتسبّل. لأنه هياخد باله من نفسه أكثر من اللازم وهيحس إنك محاصراه وضيقتِ عليه الخناق باهتمامك. وبالتالي، يعمل حاجة من اثنين إما إنه هيزهق وهيمل منك أو يخاف ويكش منك بسبب جراءتك.. وفي كلا الحالتين سيهرب.
مستكة : أمال أعمل إيه، كنت أتكلم في السياسة والفن والحياة العامة؟
نفوسة النفساوية : لأ.. ببساطة افتحي له الطريق وسيبيه يتكلم.. وفتح الطريق هيوصل له لما يلاقيكِ مهتمة بمن حولك ومركزة في لا شيء.. يعني عينك مش جوه عينه.. لأ.. وزعي نظراتك على كل المكان.. حتى لو ماكانش فيه ناس كتير، اتفرجي على الحيطان، بصي لتحت ووزعي نظراتك على اللي حواليه في الهوا.
مستكة : كده حيقول عليا مجنونة !!!!!
نفوية النفساوية : وهو المطلوب .. هو اصلا فيه حد عاقل بيحب الايام دى
مستكة : طب هو ضاربها طناش دلوقت اعمل ايه ؟
نفوسة النفساوية : اديها طناش انتى كمان الأول والآخر العملية كلها نصيب.. آه صحيح كل واحد بيحاول بس لحد معين وبعد كده "ستوب".. وزي ما قالت جداتنا زمان.. نصيبك هيصيبك مهما كنت فين.. ده النصيب غلاب.. يا ولد هات العطر .. قصدى يااااااااااااااااااااااافرج اللى بعده .
كلاكيت 3 مرة
(( مشهد خارجي-داخل نادي – مستكة ونفوسة قاعدين على ترابيزة وسط الخضرة وزأزأة العصافير ))
نفوسة النفساوية : ديما فى أخر مقابلة أحب انها تكون بره فى الهواء الطلق افتحى صدرك يا مستكة واستنشقى الهواااااااا
مستكة : مكان جميل يا دكترة
نفوسة النفساوية : ايه اخر الاخبار يا مستكة ؟
مستكة : كله تمام الوضع اتحسن وإذ فجأة كده لاقيته بيكلمنى علشان يجيى يكلم بابا
نفوسة النفساوية : طب كويس .. ايه المشكلة بأه
مستكة : خايفة .. خايفة فى الخطوبة يمل مني ويحس الشعور ده بتاع( للابد للأبد) خصوصا انى من النوع اللى لازم يكون قدام عينى 24 ساعة .
نفوسية النفساوية : حاولي تكوني دايما مشغولة (طبعا بحاجة غيره) يعني تتسلي بشغل أو بهواية أو برياضة وعلى فكرة المشي والتمرينات الخفيفة مفيدة قوي لأنها بتساعدك على إنك تفرغي التوتر اللي بتحسي بيه وتكوني هادية.
وانشغالك ده مش معناه إنك هتبطلي تفكري فيه لكن على الأقل مش هيخليكِ متوترة ومستنية أي خطوة منه يقرب بيها ولو اتأخر شوية تحسي إنه مش مهتم بيكِ ولا بيفكر فيكِ زي ما إنت بتفكري فيه والنتيجة ممكن إنه لما يفكر يقرب تكوني إنت تعبتِ من الانتظار ويبان في عينيك حاجة زي (بعد إيه؟) ما كان من الأول أنا خلاص تعبت.... وحاجات زي كده.
مستكة : وليه العذاب ده؟
نفوسة النفساوية : لأن لو شغلتِ نفسك بحاجات تانية (غيره طبعا) هتلاقي نفسك بتبرري بعده عنك (حتى لو بينك وبين نفسك) وهتقولي:
إذا كنت أنا مشغولة... بافكر فيه صحيح لكن مش 24 ساعة، يبقى أكيد هو كمان مشغول ولما يلاقي الوقت المناسب أكيد هيتكلم.
مستكة : عارفه .. مشكلتى إنى ديما اتعودت أخد قرارات فى حياتى بنفسى .. مش متعودة ان حد يشاركنى القرارات دي .. خايفة أن هو يلغى شخصيتى أو أنا الغى شخصيته .. ويكون واحد فينا بس هو اللى بياخد القرار .
نفوسة النفساوية : العملية مش حرب ومين هو اللى حيفرض شخصيته على التاني .. حياة زوجة يعنى مشاركة بالرأي لأن أثر أى قرار حيتاخد حيؤثر على حياتكم انتوا الاتنين .. يبأه لازم فيه مشاركة فى اتحاذ القرار ..!
مستكة : ولو اختلفت وجهة نظرنا .. حعمل ايه ..هل استمسك برأيي ولا اييييييييييييييييه !
نفوسة النفساوية : ده على حسب القرار موضوع المناقشة ومدى تأثيره على حياتكم .. فيه حاجات ممكن انتى تمشيها ومش حتفرق معاكى كتيييييييير .. وفيه حاجات ممكن تسبب لكم مشاكل حاولى انك تقنعيه بوجهة نظرك.لكن متحسسيش خطيبك او جوزك انك انتى الراجل والكلمة كلمتك .
مستكة : أحيانا واحنا مع بعض ولما بنخرج وبنروح أى مكان هااااااى .. بيصعب عليا فى المصاريف ببأه عاوزه اشاركه فى الدفع .. هو بيعتبر دى اهانة .. انا غلطانة كده !
نفوسة النفساوية : طبعا غلطانة .. يعني خوفك عليه وحرصك على فلوسه مايخليكيش تعملي فيها سبع البرمبة .. الأمر اللي يخليكِ تحلفي يمين طلاق وإنت قاعدة معاه في المطعم إنك هتقسمي الحساب معاه.. كده غلط خالص.. ليه بقى؟.. لو عملت ده وصممتِ إن العلاقة بينك وبين من تحبين تمشي أمريكاني، النص بالنص يعني، صدقينا ده مش هيخليه مبسوط.. لأن الرجل بيكون في حاجة دائمة للشعور بأنه رجل.. طبعا الرجولة مش دفع فلوس "ولا هز أكتاف زي ما قال اللمبي!".. بس لما الرجل هو اللي بيكون عازمك على عزومة وهو اللي يدفع بيشعر من جواه بفرحة وانبساط شديدين، أولا لأنه معاك، وثانيا لأنه بيشعر إنك مسئولة منه، وثالثا لأنه بيشوف الفرحة في عينيك لما تكون معاه.
مستكة : طب نفسى أساعده فى حاجه احس اننا بنشارك مع بعض فى شىء
نفوسة النفساوية : ممكن بعد العزومة الحلوة دي اللي دفع فيها هو دم قلبه وبقى ع الحديدة! إنك تشتري له هدية بعدها بفترة –لا طويلة عشان مايبقاش لها معنى ولا قصيرة عشان ماتظهرش وكأنها رد للدين- والهدايا كتير.. كرافت.. -أخ.. بيلبس جلابية على طول.. مايضرش هيبقى شكلها جنان على الجلابية برضه!- ممكن تجيبي كوفية صوف لو كنا في الشتاء.. أو محفظة من الجلد طبيعي.. أو ميدالية فضة.. أو البارفان اللي بيحبه..الخ .
مستكة : أنا ممنونة ليكى جدا
نفوسة النفساوية : وأنا اتمنى ليكى حياة سعيدة
مستكة : دكتورة نفوسة .. مش عارفه أشكرك ازاى ..!
نفوسة النفساوية : اند تتدفعى حساب الجارسون اللى جاى علينا ده
----- ( النهاية )---
بصراحة ومن غير خجل مع الدكتورة
(( نفوسة النفساوية))
أستاذة علم النفس بجامعة نداغ اللبان فرع شكلس
كلاكيت أول مرة
مشهد داخلى
(( مستكة ممدة على الشيزلونج - نفوسة قاعدة قدامها وبتعدل فى نضارتها كعب الكوباية ومشغله الكاسيت علشان تسجل مع موسيقى كلاسيك))
نفوسة النفساوية : مسكتة .. فضفضى ورطرطى الكلام اللى عندك من غير حبشتكنات ؟!
مسكتة : بدأت العلاقة اللي بينّا تاخد شكل تاني.. أخدت رقم التليفون منه وبقيت باتصل بيه بصفة دايمة. كان بيبقى مشغول في أحيان كتير في الكلية، وبالتالي كنت باتصل أنا.. يعني ماكنتش باعمل فرق..
نفوسة النفساوية : وبعدين يا دلعدي ؟!
مستكة : دلوقت بقالنا 5 شهور.. بس فيه مشكلة.. ساعات كتير باحس إنه زهقان مني، وبيبعد عني باستمرار.. بيتحجج بأي حاجة عشان ينهي ميعادنا بدري ومش بيحب يقضي وقته معايا زي الأول.. باتقتل بجد لما باحس إنه مش متحمس لي.. أو مش بيحبني قد ما أنا باحبه.. مش عارفة إيه اللي حصل!
نفوسة النفساوية : يا رتى ايه سبب البرود فى علاقتكم دى ؟!!
مستكة : يا دكتور امال انا جيالك ليه !
نفوسة النفساوية : لازم يكون فيه مشاركة وتفاعل .. طب شوفى يا مستكتى لما بتتصلي كتير كده أو بتحاولي التواجد في حياته أكتر من اللازم، بيحس إنك مستعجلة على الارتباط، والارتباط في حد ذاته مش موضوع سهل.. لأنه حاجة بتستمر العمر كله بإذن الله فبيخاف إنه يتقدم. بيحس إنك حاسة إنك "لازم" ترتبطي بيه.. للأبد.. للأبد.. للأبــــد (وده شيء مخيف زي ما إنت واخدة بالك!).
مستكة : تصدقي لقيت نفسي إذ فجأة كده باقول له تعالَ نشرب حاجة في الكافتيريا؟؟
نفوسة النفساوية : والمشاريب على مين .. احم احم .. قصدى وبعدين ؟؟
مستكة : أصل إنت عارفة هو خجول قد إيه.. لما شفته بيبتسم لي من بعيد، قلت لنفسي أكيد عاوز يصارحني باللي في قلبه..
نفوسة النفساوية : اممممممممممممممم الكلام ده يا مستكة مش بيأكل عيش ده اساسا لو عرفتى تجبيه وربنا نتعك بالسلامة وعرفتى توصلى لشباك الفرن .. الحقيقة يا عزيزتي إن معظم الرجالة –وده مش كلامي ده كلام علم النفس- مش بيكونوا خجولين قوي زي ما إنت فاكرة، وإن الراجل لو فعلا فعلا مهتم بيكِ وعاوز يرتبط بيكِ هيستجمع كل الشجاعة اللي عنده وهيفاتحك في الموضوع.
مستكة : عارفة إن الانتظار للـ"نص التاني" صعب، خصوصا في الظروف الاقتصادية الجميلة اللي احنا عايشين فيها ومنحنى الأخلاق اللي في نزول مستمر..
نفوسة النفساوية : وقتك خلص ... دخل اللى بعده يااااااااااااااااااااااااااا فرج
كلاكيت 2مرة
(( مشد داخلي – نهار – مستكة ممدة على الشيزلونج – نفوسة قاعدة قدامها وحاطة رجل على رجل وبتسمع))
نفوسة النفساوية : إن شاااااا الله تكوني ارتاحتى يا مستكة من جلسة المرة اللى فاتت
مستكة : إرتحت ايه بس يا دكتورة انتى برجلتينى خالص
نفوسة النفساوية : وهو المطلوب
مستكة : هو أنا ناقصة برجله
نفوسة النفساوية : مهو لما حتتبرجلى حتفكرى ولما حتفكرى حتوصلى للقرار السليم .. عموما نرجع ما رجعونا .. قولتيلى مشكلتك ايه بالضبط مع جوزك !
مستكة : جوزى .. يالهوووووووى .. جوزى مين يا دكتورة !!
نفوسة النفساوية : قصدى اللى بتحبيه ده .. يقطع الحب وسنينه
مستكة : أنا فكرت بكلامك بتاع المرة اللى فاتت بسسسسسسس
نفوسة النفساوية : بس إيه ؟
مستكة : هو لما كان فى بداية علاقتنا بيبصلى انا كنت ببصله .. دلوقت لما ببصله بيعمل انه بيقرأ فى جرنال المصري اليوم ومش مدينى اهتمام .
نفوسة النفساوية : اممممممممم معلش اصل البلد حالها مش تمام اضرابات على غلاءات على بلاوى سودة تلاقيه بيتابع .. اه اكيد بيتابع.
مستكة : لالا يا دكتورة ..اهىء اهىء اهىء .. ده مبأش يحبنى .. بيتهرب مني ..هو انا كنت غلطانة لما تجاوبت معاه لما كان بيبصلى ؟
نفوسة النفساوية : اممممممم .. بيتهيئلى كده يا مستكتى ..اصل التصرف السليم إن البنت تريح نفسها. ولا تحمل نفسها هم إنها تتابعه بعينيها، ولا إنها أول ما تحس إنه بيبص لها تبادله النظرات واللهفة. والسبب إن تلك الطريقة تجعله يفقد اهتمامه بكِ
مستكة : لا أزاى يا دكتورة ..ده فى اول علاقتنا كنا بنبص لبعض كتييييييييروكان مهتم.. لغاية ما اقعدنا نتكلم مع بعض وكان جنتل مان معايا على الأخر ..حسيت انى عاوزه اتكلم معاه فى كل حاجه ..بأيت بتكلم وهو بيسمع .. لغاية ما ريقى نشف
نفوسة النفساوية: ودى غلطة تانية
مستكة : ازاى
نفوسة النفساوية : المفروض إن البنت في أول لقاء أو كلام بينهم تكون هادئة جداً ولو بتموت فيه.. وكما إنها هتمسك لسانها لازم أيضاً تمسك عينيها.. يعني بلاش أو -بصراحة أكثر- عيب إنها تسهّم فيه وتسبّل. لأنه هياخد باله من نفسه أكثر من اللازم وهيحس إنك محاصراه وضيقتِ عليه الخناق باهتمامك. وبالتالي، يعمل حاجة من اثنين إما إنه هيزهق وهيمل منك أو يخاف ويكش منك بسبب جراءتك.. وفي كلا الحالتين سيهرب.
مستكة : أمال أعمل إيه، كنت أتكلم في السياسة والفن والحياة العامة؟
نفوسة النفساوية : لأ.. ببساطة افتحي له الطريق وسيبيه يتكلم.. وفتح الطريق هيوصل له لما يلاقيكِ مهتمة بمن حولك ومركزة في لا شيء.. يعني عينك مش جوه عينه.. لأ.. وزعي نظراتك على كل المكان.. حتى لو ماكانش فيه ناس كتير، اتفرجي على الحيطان، بصي لتحت ووزعي نظراتك على اللي حواليه في الهوا.
مستكة : كده حيقول عليا مجنونة !!!!!
نفوية النفساوية : وهو المطلوب .. هو اصلا فيه حد عاقل بيحب الايام دى
مستكة : طب هو ضاربها طناش دلوقت اعمل ايه ؟
نفوسة النفساوية : اديها طناش انتى كمان الأول والآخر العملية كلها نصيب.. آه صحيح كل واحد بيحاول بس لحد معين وبعد كده "ستوب".. وزي ما قالت جداتنا زمان.. نصيبك هيصيبك مهما كنت فين.. ده النصيب غلاب.. يا ولد هات العطر .. قصدى يااااااااااااااااااااااافرج اللى بعده .
كلاكيت 3 مرة
(( مشهد خارجي-داخل نادي – مستكة ونفوسة قاعدين على ترابيزة وسط الخضرة وزأزأة العصافير ))
نفوسة النفساوية : ديما فى أخر مقابلة أحب انها تكون بره فى الهواء الطلق افتحى صدرك يا مستكة واستنشقى الهواااااااا
مستكة : مكان جميل يا دكترة
نفوسة النفساوية : ايه اخر الاخبار يا مستكة ؟
مستكة : كله تمام الوضع اتحسن وإذ فجأة كده لاقيته بيكلمنى علشان يجيى يكلم بابا
نفوسة النفساوية : طب كويس .. ايه المشكلة بأه
مستكة : خايفة .. خايفة فى الخطوبة يمل مني ويحس الشعور ده بتاع( للابد للأبد) خصوصا انى من النوع اللى لازم يكون قدام عينى 24 ساعة .
نفوسية النفساوية : حاولي تكوني دايما مشغولة (طبعا بحاجة غيره) يعني تتسلي بشغل أو بهواية أو برياضة وعلى فكرة المشي والتمرينات الخفيفة مفيدة قوي لأنها بتساعدك على إنك تفرغي التوتر اللي بتحسي بيه وتكوني هادية.
وانشغالك ده مش معناه إنك هتبطلي تفكري فيه لكن على الأقل مش هيخليكِ متوترة ومستنية أي خطوة منه يقرب بيها ولو اتأخر شوية تحسي إنه مش مهتم بيكِ ولا بيفكر فيكِ زي ما إنت بتفكري فيه والنتيجة ممكن إنه لما يفكر يقرب تكوني إنت تعبتِ من الانتظار ويبان في عينيك حاجة زي (بعد إيه؟) ما كان من الأول أنا خلاص تعبت.... وحاجات زي كده.
مستكة : وليه العذاب ده؟
نفوسة النفساوية : لأن لو شغلتِ نفسك بحاجات تانية (غيره طبعا) هتلاقي نفسك بتبرري بعده عنك (حتى لو بينك وبين نفسك) وهتقولي:
إذا كنت أنا مشغولة... بافكر فيه صحيح لكن مش 24 ساعة، يبقى أكيد هو كمان مشغول ولما يلاقي الوقت المناسب أكيد هيتكلم.
مستكة : عارفه .. مشكلتى إنى ديما اتعودت أخد قرارات فى حياتى بنفسى .. مش متعودة ان حد يشاركنى القرارات دي .. خايفة أن هو يلغى شخصيتى أو أنا الغى شخصيته .. ويكون واحد فينا بس هو اللى بياخد القرار .
نفوسة النفساوية : العملية مش حرب ومين هو اللى حيفرض شخصيته على التاني .. حياة زوجة يعنى مشاركة بالرأي لأن أثر أى قرار حيتاخد حيؤثر على حياتكم انتوا الاتنين .. يبأه لازم فيه مشاركة فى اتحاذ القرار ..!
مستكة : ولو اختلفت وجهة نظرنا .. حعمل ايه ..هل استمسك برأيي ولا اييييييييييييييييه !
نفوسة النفساوية : ده على حسب القرار موضوع المناقشة ومدى تأثيره على حياتكم .. فيه حاجات ممكن انتى تمشيها ومش حتفرق معاكى كتيييييييير .. وفيه حاجات ممكن تسبب لكم مشاكل حاولى انك تقنعيه بوجهة نظرك.لكن متحسسيش خطيبك او جوزك انك انتى الراجل والكلمة كلمتك .
مستكة : أحيانا واحنا مع بعض ولما بنخرج وبنروح أى مكان هااااااى .. بيصعب عليا فى المصاريف ببأه عاوزه اشاركه فى الدفع .. هو بيعتبر دى اهانة .. انا غلطانة كده !
نفوسة النفساوية : طبعا غلطانة .. يعني خوفك عليه وحرصك على فلوسه مايخليكيش تعملي فيها سبع البرمبة .. الأمر اللي يخليكِ تحلفي يمين طلاق وإنت قاعدة معاه في المطعم إنك هتقسمي الحساب معاه.. كده غلط خالص.. ليه بقى؟.. لو عملت ده وصممتِ إن العلاقة بينك وبين من تحبين تمشي أمريكاني، النص بالنص يعني، صدقينا ده مش هيخليه مبسوط.. لأن الرجل بيكون في حاجة دائمة للشعور بأنه رجل.. طبعا الرجولة مش دفع فلوس "ولا هز أكتاف زي ما قال اللمبي!".. بس لما الرجل هو اللي بيكون عازمك على عزومة وهو اللي يدفع بيشعر من جواه بفرحة وانبساط شديدين، أولا لأنه معاك، وثانيا لأنه بيشعر إنك مسئولة منه، وثالثا لأنه بيشوف الفرحة في عينيك لما تكون معاه.
مستكة : طب نفسى أساعده فى حاجه احس اننا بنشارك مع بعض فى شىء
نفوسة النفساوية : ممكن بعد العزومة الحلوة دي اللي دفع فيها هو دم قلبه وبقى ع الحديدة! إنك تشتري له هدية بعدها بفترة –لا طويلة عشان مايبقاش لها معنى ولا قصيرة عشان ماتظهرش وكأنها رد للدين- والهدايا كتير.. كرافت.. -أخ.. بيلبس جلابية على طول.. مايضرش هيبقى شكلها جنان على الجلابية برضه!- ممكن تجيبي كوفية صوف لو كنا في الشتاء.. أو محفظة من الجلد طبيعي.. أو ميدالية فضة.. أو البارفان اللي بيحبه..الخ .
مستكة : أنا ممنونة ليكى جدا
نفوسة النفساوية : وأنا اتمنى ليكى حياة سعيدة
مستكة : دكتورة نفوسة .. مش عارفه أشكرك ازاى ..!
نفوسة النفساوية : اند تتدفعى حساب الجارسون اللى جاى علينا ده
----- ( النهاية )---
MESHMESH- عضو مميز
- عدد المساهمات : 84
نقاط : 79
السٌّمعَة : 0 تاريخ التسجيل : 06/03/2009
العمر : 27
رد: الحوار الصريج بين مستكة والدكتورة نفوسة النفساوية ( فضفضة عن الحب بمناسبة عيد الحب)
من طرف mrmr الأربعاء أبريل 15, 2009 5:01 pm
هههههههههههههه القصه طويله اوى بس حلوه منك يا مشمش
نيس توبيك
نيس توبيك
mrmr- سوبر استار المنتدى
- عدد المساهمات : 257
نقاط : 259
السٌّمعَة : 0 تاريخ التسجيل : 25/02/2009
العمر : 28
رد: الحوار الصريج بين مستكة والدكتورة نفوسة النفساوية ( فضفضة عن الحب بمناسبة عيد الحب)
من طرف MESHMESH الخميس أبريل 16, 2009 8:13 pm
ربنا يخليكى يا عس 
[center]
[center]
MESHMESH- عضو مميز
- عدد المساهمات : 84
نقاط : 79
السٌّمعَة : 0 تاريخ التسجيل : 06/03/2009
العمر : 27
رد: الحوار الصريج بين مستكة والدكتورة نفوسة النفساوية ( فضفضة عن الحب بمناسبة عيد الحب)
من طرف neno الجمعة أبريل 17, 2009 12:05 pm
ههههههههه جامده اوى يا مشمش القصه دى
neno- عدد المساهمات : 64
نقاط : 65
السٌّمعَة : 1 تاريخ التسجيل : 27/02/2009
العمر : 29
رد: الحوار الصريج بين مستكة والدكتورة نفوسة النفساوية ( فضفضة عن الحب بمناسبة عيد الحب)
من طرف Tota الأحد يونيو 21, 2009 10:52 am
ههههههههههههه حلوه اوى يا مشمش تسلمى يا قمر
Tota- عدد المساهمات : 14
نقاط : 14
السٌّمعَة : 0 تاريخ التسجيل : 21/06/2009
memo :: كلام فى الحب
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى
» nature made fish oil
» play popular vegas slots
» платные гинекологические клиники
» Продвижение неизбежно
» generic cialis canada
» قطر المووووووووووووووت
» ارمى الطماطم فى وش العضور الى انت مخنوق منه ههههههههه
» رسايل